ازيكم جميعا يارب الكل يبقى بخير
انا فرحانه جداااااااااا
عارفين ليه
مش هقولكم
ولا خلاص بقى متهنوش عليا هقولكم وخلاص
النهاردة يا جماعه روحت مدرسة الابتدائى بتاعتى
بجد مبسوطة اووووووووووووى
متتصوروش مدى سعادتى كانت قد ايه وانا واقفه هناك وبفتكر بقى الذكريات بتاعتى يااااااه
وحشتنى اوووووووى
ايام الطفولة واللعب والشقاوة
بس لعلمكم انا والله مكنتش شقية نهائىىى وانا صغيرة
يااااااااااااه قد ايه وحشانى الايام دى وحشنى الاستاذة بتاعتنا وحشتنى كلمه كوتش من مستر امير بتاع الانجلش
وحشنى كتاب جيم بتاعه
وحشنى تسميعه للكلمات والمسابقات اللى كنا بنعملها وكنا احنا اللى بنفوز فى النهايه الحمد لله
عمر ما حد غلبنا فى ولا جوله من المسابقه
وحشنى الاسم اللى اطلقه عليا ولحد دلوقتى اصحابى بيقولولى عليه بس كلام فى سركم بتكسفف جدا لما حد يقوله قدام الناس
وياااااااه بقى لما بصيت على الملاعب بتاعتنا
وشوفت ملعب كره القدم قد ايه كنا بنبقى ملينه حماس ساعه ما فريق الشباب بتاعنا يجى يلعب
بصيت بعد كده على ملعب اللى كنا بنقف فيه طابور الصباح قد ايه كنا بنجرى فيه الصبح ودى كانت حاجه يوميه كنا بنعملها انا وصحبتى ندا كنا لازم نجريه بتاع حوالى 5 مرات وهو كبيررررر مش صغير
وحشنى تدريبات مستر صبحى بتاع اللغه العربيه
وتدريبات العملى بتاعه مستر علاء بتاع العلوم
وحشنى معمل الحاسب وافتكرت البلاوى اللى كانت بتحصل فيه
يااااااااااااه قد ايه بجد نفسى الايام دى ترجع تانى مش قادرة اوصف لكم بجد احساسى كان ايه ساعتها وانا واقفه هناك
ولا لما شوفت فصلى ومكانى المفضل اللى كنا بنقعد فيه فى الملعب ولا النفورة اللى فى الملعب الصغير يااااااااه
قد ايه نفسى الايام دى ترجع تانى بجد
انا رغيت كتير مش كده
معلش بقى استحملونى
دلوقتى بقى هسبكوا تقولوا رايكم ايه واللى عنده حاجه عايز يحكيها يجى ويحكيها معانا
منتظراكم